Adlaw’g gabii Lyrics

Adlaw’g gabii

Koro:
Adlaw’g gabii nagpaabot kami,
Adlaw’g gabii naghulat kami.
Naghandum kami kanimo,
O among Ginoo,
Nagkinahanglan kami sa kaluwasan mo.

I
Nasayod ka man, Ginoo, sa among mga sala kanimo;
Nasayod ka man sa kahaw-ang nga naghari niining dughan
(koro)

II
Nabati mo ba Ginoo, ang among agulo ug pangagho?
Nabati mo ba ang pangandoy, mga hilak ug dangoyngoy?
(koro)

III
Nakit-an mo man, Ginoo, ang among mga gipakadamgo;
Nakit-an mo man, o Ginoo, ang katim-os sa’mong pagtuo.
(koro)

IV
Ikaw ra gayod, Ginoo, ang bugtong makaluwas kanamo.
Ikaw ra gayod ang paglaum, ang kadsig ug kalig-on.
(koro)